1. Matha kachang wonna khamatha
Nali theithang uklung chot ngasak
Khisa okthui masiwui lungli
Yuiung yuivada wonhao khala?
Ining kachot nava matheithu
Na otsakna ning mangasam ngasak.

CH- Iningna nali chanpheingai
Khangathuma uklungwui khararchan
Makakashunga na otsakna
Ining machot ngasak milu
Sira kachangna kahor thada
Hormilu iwui mirinli.

2. Chanjam saya shanaowui ningli
Thangkhali ning kathumsi ngachei
Pawungna masuithei kahon thada
Honkhok kahai yarsho thingthing lei
Zak khamatha horchamri kahai
Won kachunga hangkhathei ngasahao.

3. Ngayam kachang won nawui chanhan
Shimshi haiya won nawui khakshot
Teokha tekmatei kachang khatle!
Khi themsaklo wonna khamatha
Ningshat kaka namaiwon chili
Hamak kazik makangasak hailu.