Ina Leishikasava Chi

1. Ina leishi kasava chi,

Atam kasangkhawui thili

Matakhak thangkha samphanga,

I ali mamachut rarthu

Ngateihang haira kharewui eina.

Ana ili rangahana,

Amei maringphali khala

Kakaola kaomeihaira,

Amaila maiting kahaira

Ina hanga Oh ! i ringphadalei....

CHORUS :

Khararchan saya, thukahai tamwui

Leishi kachangkhat, hithara mathei

Nao khani haira chi ara

Leishiyada masapai ara miwui sahaoda

2. Acham kapha ngasotnao chi,

chapsuisui khararchan saya

Mirin ringkashi ringkapha,

ngahan ngaroka kasha kha

Phaningung chinga aja rashungda.

3. Atam akhawui Lashiyo chi

Miwui sathui kachang haira

Kapha preiva akha sada,

gaharali sheba salu

Anala nali sovai ranu joh.