Okathuili pheisā hina
ākhavāna ākhokkana
mashunla pheisāna shiman
mi yorkaza eina tangda
pheisā leihaikha mangachee
Pheisāna āwunga
nali khaya shira
okathui miyur na
na phamei na laka
Aruihon wui atam hiya
mimai khayang thot ngasāhao
kashāngnao bingli yangkāhao
kachamnao bingli yangkateo
chi vareshi otsak maning
Mashun wui ming singda
Nana tamchitheihao
yaohui ngahon laga
chi Dharma maningma
Pheisā pangshap kapai maning
Chinao ngara eina tangda
Pheisa pangshap na kaingasak
Church Church kakai Ram ram kakai
saikora hi pheisa nakho
Chimang maning mana
Dharma eina tangda
pheisana ngacheishap
okathui masho haira
Minganingbing election li
pheisa eina vote makhomlu
mashun eina khasamilu
kashurra bing la ningtharda
pheisa makhuimilak alu
Pheisā khuihai akha
zingkum phanga chotra
pheipang khalap haora
ithumwui takhanar
Imaran sheishara
nala ila zangda
Dharma kala pheisā